Skip to main content

Joomla! Day Mongolia 2009

Joomla Дэлхийн олон улсад зохиогддог Joomla! сонирхогчдын хамгийн том арга хэмжээ болох Joomla! Day өдөрлөг нь 2009 оны 9-р сарын 29, 30-нд Mэдээллийн Технологийн Үндэсний Паркд зохиогдох гэж байна. Уг арга хэмжээ нь Монгол Улсын Засгийн газрын Хэрэг эрхлэх газар (ЗГХЭГ), Мэдээлэл, Шуудан, Харилцаа Холбоо, Технологийн Газар (МШХХТГ), АНУ-ын Олон улсын хөгжлийн агентлаг (АНУОУХА), Joomla! Үндсэн багийн дэмжлэгтэйгээр зохион байгуулагдаж байгаа бөгөөд Монгол хэлнээ иж бүрэн орчуулсан Joomla! 1.5 Монгол хувилбарын нээлтийг хийх болно.



Хамгийн сүүлийн Joomla! 1.5.14 хувилбарын Front-End буюу үндсэн вэбсайт, Installer буюу Суулгац, Control Panel буюу Удирдлагын самбар, Sample data буюу Жишээ мэдээллийг бүгдийг Монгол хэлнээ багтаасан "Joomla! 1.5 Mongolian edition" хувилбарыг та бүхэнд энэхүү өдөрлөгийн үеэр өргөн барих болно.

Joomla! Day нь олон улсад зохиогддог томоохон арга хэмжээ юм. Зөвхөн 2009 онд гэхэд Joomla! Өдөрлөг нь дэлхийн 21 улсад амжилттай зохион байгуулагджээ. Үүнд: АНУ, Их Британи, Герман, Франц, Өмнөд Африк, Бразил, Тайланд, Унгар, Энэтхэг, Итали, Шинэ Зеланд, Австрали, Канад, Финланд, Норвеги, Филиппин, Испани, Швед, Швейцарь, Голланд ба Турк улсууд юм. Бусад орнуудад зохиогдсон Joomla! Day өдөрлөгүүдийн талаархи Дэлгэрэнгүй мэдээллийг Joomla Day official events авна уу.

Joomla! өдөрлөгийн зорилго нь Joomla! хэрэглэгчдийг уулзуулан хамтдаа суралцан, санал бодлоо солилцох, шинэ санаа дэвшүүлэх, шинэ шийдлүүдээ танилцуулах боломж олгоход оршдог. Joomla! төслийн төлөөлөгчид хүрэлцэн ирж илтгэл тавьж, сургалт зохион байгуулах болно.

9-р сарын 30-нд Joomla!-гийн анхан шатны сургалтыг үнэ төлбөргүй зохион байгуулна. Сургалтанд хамрагдах хүмүүсийн тоо хязгаартай бөгөөд 9-р сарын 29-ны нээлтийн ажиллагааны үеэр бүртгэлийг явуулахыг анхаарна уу.

Дэлгэрэнгүй мэдээллийг эндээс авна уу.

Comments

bdgon said…
Tegej baigaad neg uuniig uznee...

Popular posts from this blog

Нийслэл

Ихэнх хүмүүс Австралийн нийслэлийг Сидней юм уу Мелбоурн гэж боддог байх уул нь Канберра гэж жижиг хот л доо :) бусад далайн эргийн томоохон хотуудаа бодвол эх газар талдаа байдаг 300'000 гаруй хүн амтай амгалан тайван, мод ихтэй хот. Манайхан шиг нийслэлдээ шаваад байхгүй амарийн хэдэн улс төрчид, яам тамгийн газар, гадны элчин сайдын яамдууд нь байдаг мөн томоохон их сургуулиуд, үндэсний гэсэн тодотголтой зүйлс нь байрладаг: Австралийн Үндэсний Их Сургууль, Австралийн дайны дурсгал, Австралийн Үндэсний музей, Үндэсний Галлерей, Үндэсний номын сан, Парламентийн ордон, Шинжлэх Ухаан Техонолгийн төв гэх мэт.

Тасманы арал

Tasmania island нь Австрали улсын нэг муж бөгөөд тивийнхээ урд байрлах арал юм. Энэ удаагын аялалаа усан онгоцоор хийе гэж бодоод Мелбоурнээс Spirit of Tasmania хөлөг онгоцоор 11 цаг явж хүрлээ. Тасманы Девенпорт гэдэг хотод очоод тэндээсээ машин түрээслээд Лансестон хот руу хөлгийн жолоо залсан бөлгөө :P тэнд 1 өдөр Cataract Gorge Reserve, City Park, Design Centre Tasmania зэрэг газруудаар орж үзээд цааш Тасманы нийслэл болох Хобарт хот руу хөдөлсөн тэнд Mount Wellington, Tasmanian Museum and Art Gallery, Royal Tasmanian Botanical Gardens, Battery Point, Salamanca Market зэрэг газруудаар орж үзээд 4 өдрийн аялал маань дууссиймдаа. Ерөнхийдөө Тасманы арал нь хүн ам цөөтэй, намдуу тайван сайхан газар байлээ.  Уулын орой дээрээ цастай ер сэрүүхэндүү газар санагдсан урд туйлтай ойр тэгээд бид хэд бас өвөл нь очсоныг хэлэх үү жоохон даарсаныг эс тооцвол сайхан аялал боллоо.

Аялалд маань хэрэг болсон апп-ууд гэвэл:

airbnb - байрны асуудлаа шийдсэнvroom - машин түрээслэхэд их хэрэг болсон бү…

Download the internet

Миний бараг байнгын хэрэглээ болсон W3School гээд сайт байдийн. Энд бүх л төрлийн веб аппликешн хөгжүүлэхэд зориулсан хичээлүүд байдаг гэж байгаа. Дээрээс нь ямар ч үнэ төлбөргүй учир дураараа үзнэ дээ ;) .

Энд Internet Joke гээд нэг хэсэг байдийн тэрэн дотор:
Customer: "I want to download the Internet. Do I need a bigger hard disk?"


За тэгээд хангалттайхан шиг хард олж аваад интернетийг татаад байждээ :D